Konpansasyon pou Chomaj (ki rele asirans chomaj tou) ofri avantaj tanporè pou ranplase salè a pou moun ki kalifye epi ki p ap travay san se pa fòt yo.

Employ Florida Marketplace, sit wèb eta Florid ki gen resous pou plasman nan djòb ak fòs travay kapab ede ou chèche travay pandan ou p ap travay.

 

 

Pou ka kalifye pou avantaj yo, ou fèt pou:

  • Te pèdi djòb ou san se pa t fòt ou.
  • Toujou ap chèche yon nouvo djòb.
  • Pare pou pran yon nouvo djòb lè yo ofri ou youn.
  • Satisfè kondisyon salè ki baze sou djòb ou t ap fè anvan an (yo).

Pwosesis Demann yo

Ou dwe fè tout demann konpansasyon pou chomaj sou Entènèt nan Sistèm Florid pou Aplike pou Demann nan Entènèt (FLUID). Si ou pa gen aksè nan entènèt, gen òdinatè piblik ki disponib nan One-Stop Career Center zòn ou ak nan bibliyotèk piblik zòn ou tou, sant kominotè ak kolèj ak inivèsite (si ou se yon etidyan).

Remak: Ou ka pa an mezi pou ranpli yon aplikasyon pou Reklamasyon Entènèt LaFlorid atravè Sistèm Entènèt pou Depoze Reklamasyon Florid nan itilize kèk aparèy elektronik pòtatif. Sa enkli, men pa limite a asistan dijital pèsonèl (PDA), telefòn entelijan, telefòn selilè, aparèy sèvis kominikasyon pèsonèl (PCS), aparèy san fil miltifonksyonèl, aparèy mesajri, elatriye. 

Responsablite Moun ki Fè Demann lan

Moun ki fè demann konpansasyon pou chomaj la fèt pou ranpli Premye Revizyon Kalifikasyon lè li fè yon demann, epitou li dwe pwouve li toujou ap chèche travay pandan l ap resevwa avantaj yo. Moun ki fè demann yo ki pa pran responsablite yo lè yo bay fo enfòmasyon, oswa lè yo kache enfòmasyon sou salè yo kapab jwenn akizasyon kòm moun ki fè fwod nan konpansasyon pou chomaj, yon krim twazyèm degre. Konpansasyon pou Chomaj annijans.

Konpansasyon pou Chomaj annijans

Konpansasyon pou Chomaj annijans (EUC) se yon pwolongasyon federal apre ou fin jwenn avantaj konpansasyon pou chomaj nan Eta Florid.

Sijè Enpòtan

Jwenn anons enpòtan konsènan pwogram Konpansasyon pou Chomaj nan Eta Florid.

Pwogram Espesyal Konpansasyon pou Chomaj

Aprann kichòy sou lòt pwogram konpansasyon pou chomaj yo ofri nan eta Florid, tankou Asistans pou Chomaj akòz Katastwòf, pwogram Alokasyon pou Re-ajisteman Komèsyal ak Pwogram Konpansasyon pou yon Tan Kout.

An equal opportunity employer/program.  Auxiliary aids and services are available upon request to individuals with disabilities.
All voice telephone numbers on this website may be reached by persons using TTY/TDD equipment via the Florida Relay Service at 711.
You have selected a link to a website that is outside of the floridajobs.org domain. Control of the content of this website belongs to the website's owner and not to the Department of Economic Opportunity.
OK
 
Cancel